Dubai: Hindustani Cricket Control Board ( BCCI ) ne IPL 2020 ke Playoff ka Schedule jari kardiya. League ka Final 10 November ko Dubai mein khela jaye ga. Pehla qualifier 5 November ko Dubai mein hoga. Eliminator 6 aur dosra Qualifier 8 November ko Abu Dhabi mein khela jaye ga. Isi ke sath hi khawateen Championship ke tamam match Sharjah mein hon ge.
Itwaar tak league mein 45 match khailay ja chuke hain jabkay 14 match baqi hain. Mojooda points table mein Top 3 team Mumbai Indians, Dehli Capitals aur Royal Challengers Bangalore ki Playoff mein rasai taqreeban yakeeni hai. Is waqt IPL Playoff ki chothi team ke liye 4 teams ke mabain sakht muqaabla hai. Chennai ki daum khatam hi hochuki hai. Points table ki sare fehrist 4 teams Playoff ke liye qualify kar rahi hain. Top 2 teams qualifier 1 khelain gi jiski faateh team barah-e-raast final mein pahonch jaye gi. Is ke sath hi Eliminator number 3 aur number 4 team ke mabain khela jaye ga. Is mein faateh team qualifier 1 mein shikast bardasht karne wali team se muqaabla kere gi hai. Usay qualifier 2 kehte hain. Jeetnay wali team final khelti hai.
Is se qabal BCCI ne elaan kiya ke Woman’s T20 challenge yani women’s IPL ke tamam match Sharjah mein khailay jayen ge. Is Tournament mein 3 teams hon gi jis mein final samait 4 match Supernovas, Velocity aur Trailblazers ke darmiyan khailay jayen ge. Final 9 November ku khela jaye ga.
Harmanpreet Kaur ko Supernovas aur Mithali Raj ko velocity ka Captain moqarar kiya gaya hai. Trailblazers ki qayadat Smriti Mandhana karen gi. Pehla match difai Champion Supernovas aur runner up Velocity ke mabain 4 November ko khela jaye ga.
T20 Challenge ka Programme:
4 November Supernovas ba muqabla Velocity shaam 7.30 bajey.
5 November Velocity ba muqabla Trailblazers dopehar 3.30 bajey.
7 November Trailblazers ba muqabla Supernovas shaam 7.30 bajey.
9 November final shaam 7.30 bajey.