New Delhi : Haryana aur maharashtra mein kal yani 21 october ko assembly intikhabaat munaqqid honay walay hain. un intikhabaat se ek din qabal itwaar ko, BJP ke rukan-e-assembly ki EVM se mutaliq ek video social media par viral ho raha hai. is video mein Haryana ke Assandh assembly nishist se BJP ke moujooda MLA aur BJP umeed waar Bakshish Singh Virk ko yeh kehte hue suna jasakta hai ke ”aap EVM mein koi bhi button dabayein, vote BJP ko hi jayega“. mazkoorah video ko congress rehnuma aur wazeer-e-aala Bhupendar singh hoooda ke betay Dupendar singh hooda ne share kiya hai.
Is video mein. Bakshish Singh Virk ko yeh kehte hue suna jasakta hai ke ”aap jisko bhi vote dete hain to woh BJP ko hi jayega. iske alawa woh yeh bhi keh rahay hain ke ”aap kahan vote daloge, hamein woh bhi maloom hoga ke kis aadmi ne kahan vote diya hai. aur agay kehte hain ke ”modi g ki ankhen bohat taiz hain, aur manohar laal jee ki bhi nazar bohat taiz hai. aap jahan marzi vote daalo, woh phool ko hi jayega, kyunkay machine mein par zeh foot kiya gaya hai “.
Is video ko tweet karte hue rohtik ke sabiq rukan-e-parliment dupendar singh hooda ne likha ke ”Unka yeh ghamand unko le dobayga“. –YTN STAFF