Chennai: Indian Union Muslim League, Chennai zilai General Committee ka ijlaas 8 November shaam ko Chennai Mandi, Qayed Millat Manzil mein munaqid huwa. Ijlaas ki sadarat zilai Organizers AH Mohammad Ismail ne ki. Zilai naib Organizers ke Mudasser Khalid ne istaqbalia taqreer ki. Meheman khusoosi ke tor par shareek reyasti General Secretary KAM Mohammad Abubaker MLA, Reyasti Secretary KM Nizaam Mohiuddin aur reyasti secretary Millat SP Mohammad Ismail ne ijlaas se khitaab kiya. Haal hi mein inteqaal hue marhoom Sita Kaadi nagar primaray chairman KM Ismail, Masjid Mamoor ke naib Imam Maulana KM Abdul Rahman Rahmani, Mosiqaar km Abubaker ki wafaat par taziyati qarar daad manzoor karte hue gehray ranj-o-gham ka izhaar kiya gaya aur un ki maghfirat ki dua ki gayi.
Ijlaas mein mandarja zail qarardadin manzoor ki gayeen. 1 ). 2021 mein honay walay Assembly intikhabaat mein DYMK ki zair qayadat ittehaad ki jeet aur DMK sadar MK Stalin ko wazeer aala bananay ke liye har qisam ka taawun dainay aur mehnat karne ka majlis Amila mein faisla kiya gaya. 2 ). Majlis Amila reyasti committee se mutalba karti hai ke 2021 mein honay walay Assembly intikhabaat mein Chennai mashriqi zilai ke Harbor Assembly halqa ko DMK ittehaad ki janib se Indian Union Muslim League 19 october 2020 ko Turchi mein munaqqid Indian union muslim league reyasti executive committee ke ijlaas mein Manzoor ki gayi qaraardad ki bunyaad par yeh faisla kiya gaya ke Feb 2021 mein honay walay reyasti conference mein Chennai mashriqi zila ke logon ki ek badi tadaad shareek honay aur 50 afraad ko conference ke istaqbalia kimti ke mumbar ke tor par Register karne ka faisla kiya gaya. 4 ). Mumbai mein honay walay mushawarti ijlaas mein 2021 mein Tamil Nado se jane walay aazmeen Hajj ko Chennai ke bajaye kochi, Kerala se jane ka elaan kiya gaya hai. Is se Tamil Nado ke Musalmanoon mein zabardast narazgi peda hui hai. Lehaza, Majlis Amila darkhwast karti hai ke markazi Hajj Committee aazmeen Hajj ko mamool ke mutabiq Chennai se rawaangi ka munasib hukum jari kere. 5 ).
Haal hi mein corona se mutasir aur munasib ilaaj ke aur hum sab ki duaon ke nateejay mein mukammal tor par sehat yab hokar apni omar ki parwah kiye baghair nojawanon ki terhan party ke kaam aur qaumi Falah bahbodi ke liye kaam karne walay qaumi sadar professor KM Qadir Mohiuddin ki omar darazi aur sehat ke liye majlis Amila dua go hai. 6 ). Tiruchirappalli mein munaqid Riyasati Executive Committee ijlaas mein reyasti naib sadar ke tor par taqarrur hue rukan parliman ke Nawaz Ghani, Reyasti naib Secretary ke tor par muqarrar jamal Mohammad Ibrahim, Abdul Qader Shareef, IT Wing Coordinator ke tor par muqarrar Salman Mohammad, Joint Coordinator ke tor par muqarrar mela Palam Abdal Jabar, Naib Coordinator ke tor par muqarrar ke. Nizamuddin ko majlis Amila mubarakbaad pesh karti hai. Ijlaas mein mandarja zail arakeen ko Chennai mashriqi zilai ahdidaran ke tor par muntakhib kiya gaya. Jis ke tehat zilai sadar ke tor par AH Mohammad Ismail, Zilai Secretary Madasser Khalid , Zilai Khazen M Qadir Basha, Zilai naib Sadoor Bilal Hussain , Captain Basheer Ahmed , Koltur Shah Jahan, Nooruddin, Zilai naib Secretary Abdul Shakoor, Syed Mohammad Ghaus , KM Shamsuddin muntakhib hue. M Qadir Basha ne tamam ka shukriya ada kiya. Chennai maghribi zilai Organizers Yousuf Ghulam Mohammad ki dua se ijlaas ka ekhtataam huwa.