Bareli : Indian mujahideen ( IM ) ney salana Kanwar yatra se mutaliq dhamki di hai. indian mujahideen ( IM ) ka ilaqai commander Khan , jo Naam Mulla se bhi jana jata hai. is ney Bareli railway station ke superintendent satiya Veer Singh ko ek khat likha hai. jis mein kaha gaya hai ke agar Uttar pradesh ke Bareli mein Kanwarias , shehar ke muslim aksariyat walay ilaqoun se guzarte hain to, shehar ke railway station ko uda diya jayega.
is dhamki walay khat ke mousool honay ke baad railway station aur is ke aas paas ke ilaqoun mein security ke sakht intezamat kiye gaye hain, aur saada libaas mein police walon ko taeenat kiya gaya hai. –YTN STAFF