Hyderabad: Maholiyati aloodgi par qaboo panay ke liye jahan hukoomat ki janib se gadiyon ke liye mutabadil aur mahol dost eendhan faraham kiya ja raha hai wahein awam ki janib se LPG ke istemaal mein izafah ho raha hai. taaza tareen report ke mutabiq Hyderabad mein LPG ke istemaal mein 10 feesad izafah hua hai jabkay junoobi Hindustani reyaston Hyderabad, banglore aur Chennai mein is eendhan ke istemaal mein izafah darj kiya ja raha hai.
Hindustan bhar mein auto LPG ke 11 hazaar station mojood hain jin mein ziyada tadaad janoobi Hindusatan mein hai. junoobi Hindusatan mein LPG ke istemaal mein banglore ko pehla maqam haasil hua hai kyunkay karnatak high court ki janib se sakht hidaayat yeh hai ke autos mein LPG eendhan hi istemal kiya jana chahiye taakay fizai aloodgi par qaboo paaya jasakay. Hyderabad mein bhi LPG ke istemaal mein izafah darj kiya jarahay, halaanke Telangana mein is tarhan ka koi qanoon nahi hain ke makhsoos gadiyon mein LPG eendhan hi istemaal kiya jaye. –YTN STAFF