Hyderabad: Har saal ki terhan is saal bhi 11 win Kul Hind mahefil-e-naat ka ineqad 30 November hafta ko baad Isha Milaad maidan khilwat Ground nazd Charminar Hyderabad par hoga. Is zimn mein World Quraan Mission Hyderabad ka ek mushawarti ijlaas munaqqid kiya gaya, Jis mein tamam intizami umoor par tabadlah khayaal kiya gaya. Ijlaas ki sadarat sadar nasheen world Quraanic Mission Dr. Maulana Shah Mohammad Ikhlaaq Sharfee ne ki. Aashiqan-e-Rasool ki kaseer tadaad ki shirkat ko malhooz rakhtay hue is saal intizamaa ko wusat dainay ka faisla kiya gaya. Mausam sarma ke pes- e-nazar mandoobeen ki sahulatoun ke liye intizamaat kiye jarahay hain.
Khawateen ke liye Community Hall mein nashiston aur LED screen awezan kiya jaye ga. Maidan mein bhi wasee tareen LED screen awezan kiye jayen ge. hamesha ki terhan riyasat Telangana, Andhra Pradesh, Karnataka aur Maharashtra markazi bargahoun ke Sajadgaan aur Mashaiyakh Azaim, Ulmaye Karaam aur sarkardah shaksiaat ne shirkat ki toseeq kar di hai aur isi terhan mulk Hindustan ke Shahrah Afaq shuraye karaam aur naat khawan hazraat ki bhi toseeq hochuki hai. Mandoobeen ki sahoolat ke liye qareebi Masajid ke Taharat khaanoon aur wudu khaanoon ki ijazat li jarahi hai.
Is mauqa par awam wa khaas se guzarish ki gayi hai ke ziyada se ziyada aanati Token haasil karkay taawun karen. Yahan is baat ka zikar beja na hoga ke Aanati Token ka quraa andazi ke zareya khush naseeb maavnien ko taqriban 25 tahaef melaad deye jayen ge. Jis mein pehla inaam Pigeon Infrastructure Banjahills ki janib se Omra Ticket, ADHOC fire and safety Engineering Private Limited Retibaoli ki janib se 12 khush naseeb afraad ko muft fire and safety Engineering ke Diploma Course karaye jayen ge. Mazeed 12 khush naseeb afraad ko Pyaat Express Vision Abids ki janib se man pasand Brand ki Ayenaks muft di jayen gi aur kul hind mehfil naat ki kisi bhi token laane par har brand par 50% riayat di jaye gi.
Is mauqa par Mohammad Ilyas Khan Naqshbndi Ikhlaqi, Mohammad Shoiab Raza Khan, Shebaaz Sharfi, Mukhtaar Ali Mubeen , Mohammad Younus Hussain, Muzammil Akbar, Manzoor Mustafa, Syed Javed, Syed Kashif Ali, Mohammad Suroor Khan, Mohammad Shadaman, Shahid Ali Khan, Mirza Khalid Baig, Mohammad Mehboob, Mohammad Sajid Qadri, Mohammad Miraaj, Syed Farooq waghera mojood they. un tamam arakeen ne kal hind mehfil naat mein tamam aashiqan-e-Rasool ( mard wo khawateen) se shirkat ki guzarish ki hai. –YTN STAFF