Hyderabad: Hyderabad ke baaz ilaaqoun mein awam nay khud lockdown nafiz kardiya. Ye Lockdown corona ke mamlaat mein izafah ke paish e nazar kiya gaya hai. Kokatpally, Sadar Patel Nagar ke rehne waloun nay apne ilaaqoun mein apne tour par lockdown nafiz kardiya hai aur yahan tak ke tijarti idaroun ko bhi ek hafta ke liye band kardiya hai. Ye afraad tijarti ilaqoun mein bhi lockdown par sakhti se amal kar rahay hain. Haal hi mein Sadar Patel Nagar mein corona ke 10 naye mamlaat samnay aaye thay jis ke baad yahan ke rehne waloun ki tanzeem nay corona ke mamlaat mein izafah ke khadsha ke tehat apne tor par lockdown nafiz kardiya.