Hyderabad : Shehar mein muslim khawateen ( huqooq tahaffuz baraye shadi ) act tehat ek businessman ke khilaaf Talaq ka muqadma darj kiya gaya, jisne apni biwi ko mubayyana tor par ladki ko janam dene par 3 Talaq dediya.
Old Safilguda ki shikayat kanandah Mehraj begum ne dono taraf ke imaideen ki mojoodgi mein 2011 mein Dabeerpura ke ek tajir Mohammad Dastagir se shadi ki thi. Dastagir ne shadi mein jahez bhi liya tha. Mehraj ne ilzaam lagaya ke shadi ke kuch mah baad dastagir aur is ke ahal-e-khanah ne usay harasan karna shuru kar diya. iska pehla bacha sasural walon ki laa-parwahi ki wajah se wiladat ke douran fout hogaya. Meraj ne kaha ke usay ek hospital mein daakhil karaya gaya, jahan koi munasib ilaaj nahi tha.
Mehraj ke mutabiq, jab wo dobarah haamla hui aur ek bachi paeda hui to, iske walidain ne akhrajaat Bar daasht kiye. bachi ki paidaiesh ke foran baad hi unhon ne usay jahez ke liye mazeed tang kar na shuru kar diya. aur yeh kehte hue maar peet ki ke usay beta chahiye. mehraj ne kaha ke woh doosri shadi karna chahta tha. aur Dastagir ne apne ghar walon ki madad se mehraj par blade se bhi hamla kya.
Is waqea se qabal is joday ko khawateen police station charminar aur Bharosa center mein bhi mushawarat di gayi thi. taham, guzashta haftay ke roz, jab woh mushawarti ijlaas se bahar aaye to Dastagir ne mobayyana tor par apne ghar walon ki mojoodgi mein teen Talaq dediya , south zone police ne muqadma darj kar liya. –YTN STAFF