Hyderabad: Shehar Hyderabad mein honay walay haadsat mein 50% amwaat Helmet nah pahannay ke nateeja mein pesh aa rahi hain. Police shehar ko haadsat se pak banana chahti hai. Is ke liye Greater Hyderabad Municipal Corporation ( GHMC ) aur mehakma emarat o sharah ka taawun haasil kiya gaya aur elaqayi satah par haadsat ki rokk thaam ke liye munasib iqdamaat kiye gaye hain. Guzashta saal pesh aaye sadak haadsat ki bunyaad par 60 ( Black Spots ) Aisay maqamat ki nishandahi ki gayi hai jahan zayed sadak haadsat pesh atay hain.
Jaria saal ke pehlay 6 mah ke douran 106 amwaat mein 53 amwaat aisi hain jo Two Wheelers ki hain. Police ke tajzia mein pata chala ke Two Wheelers sawarion ney Helmet nahi pahani thi jis ki wajah se ye hadsaat pesh aaye. Un mein 13 afraad aisay hain jo un Two Wheelers par peechay baithy they. Police ka maanna hai ke Helmet laganay par hadsaat mein kami hosakti hai taakay is silsila mein baydaari ko nazar andaz kardiya gaya. Traffic police ney jaria saal 6 mah mein 24 lakh afraad ko jurmane ayed kiye.