Hyderabad: Disha esmatraizi waqea mein mulawis 4 mulzimien ko aaj subah Hyderabad police ne Encounter karte hue mout ki neend suladiya hai jis ke baad Hindustan mein amal rad-e-amal ka ek toofaan aa gaya hai. Hyderabad esmatraizi encouonter jo kay jummay ki subah subah anjaam diya gaya is ne Hindustan mein jo toofaan le aaya is se mulk 2 hissoun mein takseem hogaya hai.
Ke ek wo tabqa hai jo kay police ki is karwai ko darindgi anjaam daine walay mulzimien ko kaifar-e-kirdaar tak pohanchane ke liye behtareen kaam qarar day raha hai to 2sra wo tabqa hai jo kay ek janib mulzimien ke ghanaoni jurm ko kisi bhi zavia se maaf na karne ka aitraaf karne ke sath police ki janib se ki jane wali is terhan ki karwai ki muzammat kar raha hai.
Rahul Gandhi, Maneka Gandhi, Priyanka Gandhi ke ilawa Hindustan bhar ke kayi siyasi leadroun ke bayanaat bhi Hindustan ko 2 hissoun mein takseem karte nazar arhay hain jaissa ke BJP leader Maneka Gandhi ne wazeh tor par police ki karwai ki mukhalifat ki hai aur kaha hai ke qanoon is terhan qanoon ke rakh walay hi haath mein le liye to nizaam ka kiya hoga jabkay 2osri janib kayi aisay qaideen hain jinhoun ne Hyderabad police ki karwai ko haq bajanib qarar diya hai.
Supreme Court ke Bar Association ke sabiq sadar aur senior Advocate Vikas Singh ne kaha ke mulk mein qanoon ki hukmarani ka chalan hona chahiye. Mulzim ko is ke kaifar-e-kirdaar tak pohanchane ke liye qanoon aur is ki karwai mojood hai. Is terhan Encounter mein fori karwai karna behtar nahi hai. Singh ne zor day kar kaha ke insaaf ki farahmi ke ilzaam aur shehrioun ke insani haqooq ke darmain tawazun hona chahiye.
Hyderabad police ki karwai ki kayi halqoun se sataish bhi ki jarahi hai jis mein shehar ki aalmi shohrat Yafta Badminton khiladi Sania Nehwal ne Twit ke zareya muqami police ki sataish ki hai jabkay awam ne police ko kandhoun par utha kar jashnn bhi manea aur methiyyan bhi takseem ki hain. Hyderabad Encounter ke baad qanoon ke mahireen ko tashweesh la-haq hai is terhan ki karwai se Encounter culture farogh paye ga.
Encounter ne Hindustan ke siyasi aur aam awam ko 2 hissoun mein takseem kardiya hai lekin 2 no hi tabqo ne mulzimien ki ghanaoni harkat ki sakht alfaaz mein muzammat ki aur inhen sakht se sakht saza dene ka mutalba kiya lekin saza dene ke tareeqakar ke baad un mein ikhtilaaf raye paaya ja raha hai lekin aam awam ko Hyderabad police ki ye karwai kaafi pasand aarahi hai jis ka andaza social media aur Whatsapp par nojawanoun ki janib se lagaye jaaney walay states se lagaya ja sakta hai.
Sab se ahem Hindustan ke Nirbhaya waqea mein apni aziz ko gunwane walay afraad khandan ne Hyderabad ki police ki karwai ki sataish ki. Hyderabad Encounter ne Hindustan ne ek nai behas ka aaghaz kardiya hai jis mein ek janib awam mulzimien ko saza dene ke liye kisi bhi tareeqakar ke ikhtiyar karne ki himayat kar rahi hai to dosri janib qanoon ke mahireen aur seyasatdanoun ka ek tabqa mulzimien ko kaifar-e-kirdaar tak pohanchane ke liye qanooni dairoun mein karwai ki himayat kar raha hai. –YTN STAFF