Hyderabad: Central Electrical Authority (CEA) ke zareya kiye gaye taaza tareen electric power survey bara-ey Hindustan ke mutabiq Hyderabad jald he Mumbai ko shikast dene aur bijli ki khupat may Hindustan ke bade shehroun may pehla muqam haasil karne ke khareeb hai.
Is survey mein Hindustan ke 45 badey shehron ka ahata kiya gaya hai aur survey se kinkeshaf hua hai ke Mumbai ko sab se ziyada tawanai ki zaroorat hai jiski talabb 2018-19 mein 21475 million unit (MU) hai aur 2019-20 mein 21977 MU hai.
Hyderabad un 45 shehron mein 20059 aur 2019-20 mein 21799 ki zaroorat ke sath mumbai se qareeb tha. Dilchasp baat ye hai ke hyderabad aur mumbai Hindustan ke wahid shehar hain jinko dono saloon mein 20 hazaar MU se ziyada tawanai ki zaroorat thi.
Survey mein pesh qiyaasi ki gayi hai ke hyderabad mojooda maali saal ke aakhir mein Mumbai ko peechay chodh dayga. survey mein paish qiyaasi ki gayi hai ke hyderabad ki tawanai ki zaroorat aglay 6 saal mein ek jame salana numoo ki sharah (CAGR) hogi jis se 25-2024 tak is ki zaroorat 30 hazaar MU se ziyada hojayegi. tawaqqa hai ke aglay diye mein Mumbai ki zaroorat mein sirf 2.3 feesad izafah hoga.
Kolkata aur Bangalore ka iske baad number hai. Kolkata ka mutalba 20 hazaar MU aur Bangalore ki zaroorat ko 2019-20 mein 15 hazaar MU ke qareeb hi hai. Surat aur Pune ko ek hi saal mein 10 hazaar se ziyada tawanai ki zaroorat thi. CAGR ke lehaaz se hyderabad mein talabb mein 2013-14 aur 2018-19 ke darmiyan 12.9 feesad ka izafah record kiya, jabkay Mumbai ki taraqqi deegar mega shehron ke muqablay mein 1.9 feesad rahi.