Hyderabad: Hyderabad shehar mein aglay 3 din ke douran barish ki paish qiyaasi ki gayi hai kyunkay mangal ke roz junoob maghribi khaleej bangal ke oopar anay wala tufaan Nivar maghrib ki simt badh gaya hai aur isne pulwadary se 380 kilometer ke faaslay par junoob mashriq aur Chennai ke junoobi mashriq mein 430 kilometer taweel faasla tay karliya hai.
Tawaqqa hai ke tufaan ka nizaam jald hi ek intehai shadeed tufaan ban jayega aur shaam ke qareeb Pudducherry ke aas paas mabain barish ka imkaan banayega, jiski raftaar 120. 130 kilometer fi ghanta hogi.
Taqreeban 145 kilometer fi ghanta ki raftaar se aglay 12 ghanton ke douran mazeed shadeed tufaan aur iske baad 12 ghanton ke douran ek intehai shadeed aur tufaan aanay ka imkaan hai. Chaharhsamba ko mukhtalif maqamat par taiz barish ke sath hi Telangana mein bhi tufaan Nivar halki se darmiyani barish laane wala hai.
Riyasat ke dar-ul-hukoomat Hyderabad mein 25 November se 27 November tak ek ya 2 barish ya garaj chamak ke sath aam tor par abar alood aasman dekhnay ko mileyga. 25 taa 27 November se Gudwal, warnaparthy, Nagar Kurnool azlaa mein mukhtalif maqamat par taiz barish ka imkaan hai., Telangana ke mehboobnagar, Narayanpet, vikarabad, Rangareddy, Hyderabad, Medchal, Malkajgiri, Yadadri, Jangaon, Nalgonda, suryapet aur Khammam mein aaindah 3 din tak mein garaj chamak ke sath barish ka imkaan hai.