Hyderabad : Huzoor nagar zimni intikhabaat ke liye tamam siyasi jamaatoun ki janib se sargarmia tez ho gayi hain. aur sabhi apni apni party ke umeedwar namzad karne mein lagey hue hain. aur is nishist ko haasil karne ke liye zabardast zor aazma rahi hain. is halqa mein seh rukhi muqaabla hoga.
Hukmuran jamaat TRS ne Saidi Reddy ko apna umeed waar naamzad kiya hai, wahein congress high kamaan ne sabiq rukan assembly wo TPCC cheif Uttam kumar Reddy ki ahliya Padmavati Reddy ko is halqa se apna umeed waar naamzad kiya hai. jabkay BJP ne Nalgonda zila mein siyasi pas manzar rakhnay wali Srikala Reddy ko umeedwaar banaya hai.
BJP ke reyasti sadar K.Laxman ne kaha ke ”log KCR hukoomat ki bad-unwani aur jageer-darana hukmarani se tang aachukay hain. unhon ne daawa kiya keh BJP zimni intikhab mein kamyabi haasil karegi aur Ek kumba ki hukmurani ka mutabadil ban jayegi.
TRSke car-guzar saddar wo reyasti wazeer KTR ne logon se kaha hai ke woh zila ko taraqqi dainay mein nakaam rehne aur dahaiyo se fluoride ke maslay ko hal nah karne ke liye congress ko sabaq sikhayinge. unhon ne is etemad ka izhaar kiya ke Huzoor nagar ke log KCR hukoomat ki himayat karenge. –YTN STAFF