Mumbai: Maharashra ke Governor BS Koshyari ne no muntkhiba Bhartia Janata Party ke wazeer-e-Aala Davindra Fadnavis se 24 ghantoun ke andar apni aksariyat saabit karne ko kaha hai, Shive Sena ke Senior rehnuma-o-rukan Parliament Sanjey Raut ne kaha ke Governor ne aksariyat saabit karne ke liye BJP ko itna taweel waqt kyun diya hai? Raut ne daawa kiya hai ke hukoomat bananay ke liye ek martaba inhen bulayen to woh 10 Minute may aksariyat saabit kar denge.
Unhoun ne kaha ke unke paas NCP ke 49 arkaan Assembly ki himayat hai. Shive Sena ke rehnuma Raut ne ilzaam lagaya ke BJP dara dhamka kar arkaan Assembly ko apne sath laa rahi hai. Unhoun ne kaha ke ek din baad hum hukoomat bananay ke liye Governor se milnay walay they, lekin is se ek din pehlay hi BJP ne chaal chali aur Fadnavis ko wazeer aala aur NCP ke Ajit Pawar ko naib-e-wazeer Aala banaya. Unhoun ne kaha ke agar un ke paas aksariyat saabit hai, To itni subah ko halaf bardari ki taqreeb munaqqid karne ki kiya zaroorat thi.?
Shive Sena ke rukan Parliament ne kaha ke BJP ne intikhabaat se qabal Shive Sena Nationalist Congress Party aur Congress jaisi jamaatoun ko todnay ki koshish ki thi aur ab is ka ulat asar padde ga“. Unhoun ne kaha ke hum ne shuru se hi kaha hai ke hamay 170 arkaan Assembly ki himayat haasil hai, Aur ab 5 arkaan Assembly ke la patah honay ke bad hamare Camp may 165 arkaan Assembly ki himayat haasil hai. haftay ke roz chonkadine wali siyasi pishraft pay, Sanjay Raut ne kaha ke BJP ne NCP ke rehnuma Ajit Pawar ko dhoka diya hai. –YTN STAFF