New Delhi : Congress ki general secretary Priyanka gandhi ney hafta ke roz Narendra Modi hukoomat par maeeshat mein sust rawi aur gaadiyon ki farokht mein kami ka ilzaam lagatay hue tanqeed ka nishana banaya.
Priyanka ney Tweet karkay kaha ke ”hukumt apne Iqtidaar ke 100 din pooray honay ka jashn mana rahi hai, jo bohat se sanati ilaaqon ke liye ”Barbadi ka jashn ki tarha tarha hai.
Unhon ney yeh bhi daawa kiya ke har taraf se noukriyan jaaney ki khabrain aarahi hain. unhon ney kaha ke har shobay se ek ke baad ek plant band honay aur nokriyan zaya honay ki it-tila-aat hain.
Is se qabal Priyanka ney UP hukoomat ko tanqeed ka nishana banaya tha. unhon ney kaha tha ke Uttar pradesh ki awam ko Yogi hukoomat ney ”Jhataka“ diya hai. kyunkay UP hukoomat ney bijli ke narkho mein 12 feesad tak izafah kiya hai. gharelo sarfeen ke liye bijli ke narkhon mein ziyada se ziyada 60 paise fee unit ka izafah kiya gaya hai, jabkay kisanoun ki bijli 15 feesad ziyada kardi gayi hai. –YTN STAFF