New Delhi : Congress nay jumaraat ke roz sabiq markazi wazeer P.Chidambaram ki giraftari par BJP hukoomat par sakht narazgi ka izhaar karte hue ilzaam lagaya ke is nay CBI , ED jaise ko mehakmon ko’ zaati intiqam ke liye istemaal kiya hai. congress ke senior rehnuma P.Chidambaram ko dramayi paish Raft ke baad chaharshambe ki raat ko CBI nay girftar kiya tha. sabiq markazi wazeer nay raat agency ke guest house mein guzari.
Congress ke tarjuman Randeep singh Surjewala nay kaha ”Hindustaniyoun nay pichle 2 dinoun mein jamhoriat aur aman wo Amaan ka din dahadhe qatal hotay dekha. unhon nay kaha ke INX media case ke mutadid muliman ko giraftar nahi kiya gaya, lekin ek senior rehnuma ko baghair kisi qanooni bunyaad ke girftar kiya gaya.
Surjewala nay kaha. ”hukumat CBI, ED ko hukmuran party, mulk mein hukmarani karne walon ke liye zaati intiqam ke mehakmon ke tor par istemaal kar rahi hai. unhon nay indrani Mukharjee ka zikar karte hue ke ”ek tajurbah-car rehnuma ko is khatoon ke bayan par girftar kiya gaya, jis par iski apni beti ko qatal karne ka ilzam hai. Surjewala nay ilzaam aed kiya ke mulk mein har ek ko khamosh karanay ke liye senior siyasi hareefon par jhutay ilzaam aed kiye ja rahay hain. –YTN STAFF