Hyderabad : Shehar Hyderabad ki kisi gali muhallay mein agar aap raat ke auqaat mein mein kisi nigehani waqiye ka shikaar ho jate hain aur aap ki qeemti ashiya loot li jati hain to aap apni qeemti ashiya ki wapsi kisi ki umeed chodh den aur sath hi shukar manayeen ke aap bakhair hain kyunkay choroun aur dakuoun ke alawa mujrimoun neh jani nuqsaan mein mubtala nahi Kiya hai.
Hyderabad baad mein jaraim ko roknay ke liye jo CCTV camera lagaye gaye hain aur hukkaam ka yeh daawa hai ke un CCTV cameroun ki wajah se jaraim par qaboo panay mein badi had tak kamyabi haasil hui hai lekin sath hi yeh inkishaaf bhi hua hai ke yeh CCTV camera raat ki tareqi mein behtar tasweer kashi karne se qassar hain jis ki wajah se yeh khadsha paeda ho chuka hai ke raat mein jaraim injaam dainay walay mujrim apni takhreeb kariyoun ke bawajood ba-asani bach kar nikal satke hain aur hyderaabadi awam ke sar par khatrah mandla raha hai, kyunkay CCTV cameroun se haasil ki jaaney wali tasaveer ya video raat ki tareqi mein itnay saaf nahi hotay ke gaadi ka number dekha jaye ya mujrimoun ke cheharoun ki aasani shanakht ho sakay.
Police mehakma ke zaraye neh kaha hai CCTV camera jo ke din ke ujalay mein behtareen tasweer kashi karne ke alawa wazeh tor par video ki film bandi karte hain lekin yahi CCTV camera raat ki tareqi mein behtar tasweer kashi aur film bandi se qassar hain aur yeh hi wajah hai ke raat mein haasil kiye jaaney walay footage mein nah gadiyoun ke numbers wazeh dikhayi dete hain aur nah hi cheharon ki behtar shanakht hosakti hai kyunkay yeh camera 320×240 resolution ki tasweer aur videos haasil karte hain jab un cameroun ke zariye haasil honay wali mazkoorah baala resolution ki tasaveer aur videos ko zoom Kiya jata hai to tasweer wazeh honay ke bajaye phatt jati hain jis se gadiyon ke numbes aur cheharoun ki shanakht mumkin nahi hopati hain.
Infiradi shanakht ko posheeda rakhnay ki shart par ek IT mulazma sheereen Sultana ( naam tabdeel ) neh kaha ke woh ek raat Ameer pet ke signal per ghar wapsi ke liye sawari ka intzaar kar rahi thi tab bhi inhen ek car neh takkar di aur woh raah faraar ikhtiyar ki jis par unhon neh SR nagar police station mein shikayat darj karwai lekin police station se inhen sirf itna kaha gaya ke mohtarma hum moazrat khawa hain ke car ke number ko hum haasil nahi kar sakay kyunkay ke teen cameroun se jo tasaveer car ki li gayi hain iska resolution itna kam hai ke number plate wazeh dikhayi nahi day raha hai jabkay choutha camera takneeki khaami ki wajah se kaam hi nahi kar raha hai.
Sheereen Sultana neh mayoosi ka izhaar karte hue afsos kiya ke behtar hua ke yeh haadsa kaafi bada nahi tha lekin iske bawajood inhen ek haftay tak peeth ki takleef mein mubtala rehna pada agar unki jagah koi ma-umar shakhs ya masoom bacha hota to iske sath Kiya hota is ka andaza karna mushkil nahi lekin doosri janib se shehar mein lagaye CCTV camera jo raat ke auqaat mein agar behtar karkardagi hi paish nahi kar satke to phir kis tarhan awam ki hifazat mumkin hosakaygi aur mujremana sargarmia anjaam dainay waloun ke khilaaf sakht karwai kaisay ho sakti hai? –YTN STAFF