Hyderabad. Ghairat ke naam par mushtaba qatal (suspect Honor Killing) ke aik waqea mein Hyderabad ke muzafaat mein jumaraat ko aik baap ne apni beti ka gala (throat) kaat diya chunke iss ne uss shakhs se shadi karli thi jis se woh pyar karti thi. Mutafiyah ki shanakht Jaya Amma ki hesiyat se ki gayi jis ne apne padosi Suresh se paanch saal qabal shadi karli thi. Shadi ke baad yeh joda basti chod kar chala gaya tha. Unhen aik do sala larka bhi hai. taham yeh khandan abdullah poor wapas lota tha taakay Suresh ki maa ki aakhri mazhabi rasomaat mein shirkat kar sakay, jin ka haal hi mein dehaant huwa tha. Jaya Amma ke waalid ko apni beti ke wapas lout anay ka ilm hogaya, Iss ke waalid Narsimha ne gussa mein biphar kar apni beti ka gala kaat diya jis ke nateeja mein bar sar e mauqa halaak hogayi.