New Delhi: Bartania aur Ireland ki mashhoor university Queens university Belfast aur aasam ki Tejpur university ke darmiyan ek bahami yadasht mafahmat par dastakhat hue hain. is muahiday ke tehat dono universition ke darmiyan tahaqeeq ke shobay mein aindah 5 saal ke liye mushtarqa taawun aur koshish ki jaegi. ibtidayi marhalay mein engineering ke shobay mein taleem aur tadrees mein kaam hoga jis ke baad aindah barson mein deegar shoba jaat mein bhi tahaqeeq hogi .
Is muahiday ke tehat Tejpur university ke talba ab Bartania ki mazkoorah university mein P.hd ke dakhlay ke liye bhi ahal honge jo ke September 2019 se shuru honge. dono universition ke darmiyan bahami yad dasht mafahmat par dastakhat nai Dehli mein hue hain. is mauqa par Tejpur university ke vice chancellor professor Vinod kumar jain jabkay Queens university Belfast ki numaindagi professor Ayan grek Vice chancellor ne ki .
Is mauqa par izhaar-e-khayaal karte hue Queens university Belfast ke vice chancellor professor grake ne kaha ke ke hamaray Hindustan ke sath taluqaat kafi qadeem hain aur iss mauqa par bhi hum hindustani talba ko Bartania mein tahaqeeq ke shobay mein P.hd karne ka mauqa faraham kar rahay hain. doosri janib Tejpur university ke vice chancellor professor Vinod kumar ne kaha ke duniya taizi ke sath nah sirf agay badh rahi hai balkay mukhtalif mumalik ke darmiyan muahiday bhi tey pa rahay hain taakay mushtarqa mafadaat ko ek dosray ke taawun ke sath haasil kiye ja saken. hindustani talba ke liye ab mauqa dastyab hai ke woh Bartania ki Maroof university ke taawun se bairooni mumalik Phd aur talimi wo tadrees ke maidan mein apni salahiyaton ko Broker laatay hue malik wo qoum ka naam roshan karen . –YTN STAFF