Dubai : Dene wala jab deta hai to chapadh phaar kar deta hai ke misdaaq hindustani khatoon ko UAE mein 1.20 crore ki lottery lagi jis ke zareya ab woh apne afraad-e-khandan ki zindagi badalna chahti hai.
UAE mein muqeem ek hindustani nazaad khatoon ney 1 crore 20 laakh dirham ( saadhay 32 laakh dollars ) ki lottery ( Mahana Draw) jeetli hai. Jeetnay ke baad is khatoon ney kaha hai ke woh un paisoun ka istemaal iqtisadi tor per kamzor afraad bilkhushoos khawateen ki behtari ke liye karengi.
1 crore 20 laakh darham ki naqad lottery award jeetnay wali ghair muqeem hindustani khatoon Sapna Nair ney kaha hai ke woh is paise ka istemaal apne khandan ki behtari aur mazhabi kamon ke liye karengi aur apni tarz zindagi mein tabdeeli ka unka koi iradah nahi hai. Sapna ka yeh Jackpot lottery award rawan hafta nikla hai. 5 sala beti ki maa sapna ney lottery ka ticket 9 June ko online khareeda tha jis ka ticket number 217892 tha.
Senior engineer ke tor par kaam kar rahi sapna ney itni badi raqam jeetnay ke baad kaha mein pehlay ki tarhan hi office jarahi hon, apni tarz zindagi ko tabdeel karne ka mera koi iradah nahi hai, mein apna kaam musalsal karti rahongi. mujhe apni mulazmat se lagaow hai to mein badi tabdeeli karne ki soch nahi rahi hon.
Sapna ke shohar Prem ney kaha ke jab unki ahliya ney lottery jackpot award nikalne ki baat batayi to inhen bhi herat hui. sapna ney kaha mein ney apne shohar ko yeh nahi bataya tha ke mein ney lottery ka ticket khareeda hai. is liye jab is ney ek crore 20 laakh dirham ka award jeetnay ki baat shohar ko batayi to woh dang reh gay. unke liye yeh bohat badi heran kin baat thi. sapna ney kaha ke woh lottery award se milnay wali raqam ka ek hissa dosaron ki madad mein kharch karengi aur is silsilay mein unhon ney apni chhoti behan Nikishtra ka bhi tazkara kiya hai. –YTN STAFF