Hyderabad : Hamara watan Aziz Hindustan is waqt jin mushkil halaat se guzar raha hai usay dekhte hue aisa mehsoos ho raha hai ke Hindustan ko ab ek naye Awadh punch ki zaroorat hai Awadh punch Kiya hai iska tazkara zaili stoor mein mojood hai lekin is se pehlay yeh kehna bhi zurori hai ke in dinon hamaray mulk mein bad unwani aur hukoomat ki na-ahli ko manzar-e-aam par paish karna jaisay ek jurm ban chuka hai kyunkay haliya dinon mein uttar pardesh hukoomat ne jis tarha pawan jaiswal ko harasan karne ke alawa un ke khilaaf FIR bhi darj kardiya is ne saabit kardiya hai ke BJP aur is ki Haleef zafrani jamaaton ki hukoomaton ke khilaaf iski na-ahli ko manzar-e-aam par lana ek jurm ban chuka hai.
Uttar pardesh hukoomat ki janib se pawan jaiswal ke khilaaf jo karwai ki gayi hai woh yaqeenan insaaf ke khilaf hai kyunkay Jaiswal ne Mirzapur zila ke school mein jo roti, namak aur khana faraham Kiya jata tha is ka parda faash kiya. Pawan Jaiswal ke khilaaf hukoomat ne jo karwai ki hai is ne Awadh punch ke dinon ki yaad taaza kardi hai.
Yahan is baat ki wazahat bhi zurori hai ke Awadh punch ki karkardagi Kiya thi kyunkay yeh woh daur tha jab Awadh ki patti mein rajaon ki hukoomat thi lekin unse hukoomat cheennay ke baad Bartanwi samrajit ne yahan apni mutlaq alananit saabit kar di thi aur unke khilaaf jab koi hindustani qalmkar himmat karta aur unki kotahyon aur ghalatiyoun ko manzar-e-aam par lata to is ke khilaaf sakht karwai ki jati kyunkay Bartanwi hukoomat ka yeh tareeqa car tha ke jo koi bhi is ke khilaaf qalam uthata is ke khilaaf sakht se sakht karwai ki jati aur is tarha is ki himmat aur kamar aisi todi jati ke dobarah woh hukoomat ke khilaaf kisi qisam ki sachaai ko manzar-e-aam par laane ki himmat na kar sakay.
Awadh punch London punch ki tarz par urdu ka ek mazahiy haft roza akhbar tha jisay munshi sajjad Hussain neh 1877 lucknow may jari Kiya tha. yeh akhbar siyasat ko zarafat ka jama pehna kar paish karta tha. Mirza Mohammad Murteza jinka qalmi naam sitam zareef tha, 33 baras tak is mein mazahiya mazameen likhte rahay. nawab syed Mohammad azad, akbar alhabadi, pandit tarbhanath, munshi jwaalaa prashad barq-e, munshi Ahmed Ali shouq, munshi Ahmed Ali jaisay ahal qalam adart tehreer se munsalik rahay.
Yeh akhbar hindu muslim ittehaad aur indian national congress ka moiyad, maghribi tahazeeb ka mukhalif aur mashriqi ka iqdar alambardar tha. mazahiya cartoon aur nazmein kasrat se shaya hoti theen. Awadh punch 36 baras ki musalsal ashaat ke baad munshi sajjad Hussain ki zindagi hi mein sunah 1912 mein band ho gaya. Awadh punch is waqt apne ehad ki akkaasi karta tha aur khaas kar adbi andaaz mein hukoomat ki na ahliyoun aur kotahiyoun par tanz karta tha.
Yogi hukoomat mein bhi Uttar pardesh ke adeebon, qalamkaron aur sahafion ko sakht halaat ka saamna karna pad raha hai. yahi wajah hai ke Pawan Jaiswal ke khilaaf yogi hukoomat neh Bartanwi samrajit ka tareeqa car ikhtiyar Kiya hai. Hindustan mein jis tarha ke halaat paeda ho rahay hain is se andaza ho raha hai ke baaghi shouraa aur Adeeb khamosh kyun baithe hain aur iska andaza lagana bhi mushkil nahi hai.
Jis tarha maazi mein hukoomat ki zyadatio ke khilaaf ahal qalam neh apni salahiyaton ka muzahira kiya tha iska iada karne ka waqt phir ek martaba aa gaya hai. shouraa apni nazmon ke zareya aur Adeeb apne fun paaron se nah sirf hukoomat ki zayad-ti ko ujagar karte they balkay awam mein shaoor bedar karte they aur waisay hi ab Hindustan ke mojooda halaat ko ujagar karne aur awam mein shaoor bedar karne ki zaroorat hai.
Is waqt Hindustan Kashmir aur muashi bohraan jaisay do ahem masail se dochar hai lekin hukoomat ke ghalat faislon aur na ahal polices ke khilaaf nah awam mein shaoor hai aur nah hi ahal-e-qalam un mozuaat par aisi tahreerein paish kar rahay hain jis se mulk ke halaat tabdeel hosakein .
Hukoomat ki janib se Kashmir ki khud-mukhtaari ko khatam karne ke liye Article 370 ko barkhast kiye hue ek maheena guzar chuka hai lekin waadi mein zindagi hunooz muqeed hai jahan awam ko roti, kapda, makaan aur pani jaisay bunyadi zaroriat ke husool ke liye bhi juye sher lana pad raha hai jabkay aziz wo aqarib ki khair wo aafiyat maloom karne ke liye mawaslati nizaam mukammal band hai.
Halaanke ek janib akhbarat aur khaas kar urdu akhbarat ki wajah se awam halaat se waaqif zaroor ho rahay hain lekin is ke bawajood yahan zindagi qaid khanah mein tabdeel hochuki hai lekin mulk ke kisi konay mein koi Adeeb ya shayar is zimn mein apni koi takhleeq ya fun Parah abhi tak manzar-e-aam par paish nahi Kiya hai. –YTN STAFF