Hyderabad: Maulana Azad National Urdu University MANUU mein 14 September ko shuru hue Hindi hafta ke zimn mein mukhtalif sar garmion ka 17 September ko ekhtataam amal mein aaya. Covid-19 ke pesh-e-nazar samaji faasla ko malhooz rakhtay hue mukhtalif program online munaqqid kiye gaye. Hindi Teaching Scheme ki Professor Dr Seema Verma ne 16 September ko ek online lecture pesh kiya jis ki sadarat Professor Siddiqui Mohammad Mahmood’ Registrar incharge ne ki. Dr Shagufata Parveen’ Hindi officer’ Hindi Cell’ Maulana Azad National Urdu University ne wazeer taleem Dr Ramesh Pokhriyal ka payam padh kar sunaya.
Online hindi kahani muqaabla 17 September ko munaqqid huwa. Is muqablay mein, MANUU university ke Staff ne apni kahaniyan online sunaein. Is ke ilawa Raj Bhasha ( sarkari zabaan ) quiz muqaabla bhi munaqqid kiya gaya jis mein arkanِ amlay ne badi tadaad mein hissa liya aur Hindi zabaan ko wusat dainay ke liye har mumkin koshish karne ka ehad kiya. Hindi hafta ka ekhtataam par Dr Shagufata Parveen ne tamam shirka aur Maulana Azad National Urdu University ( MANUU ) ke arbab se izhaar tashkkur kiya. Hindi hafta ke tehat hindi ( sarkari zabaan ) ko farogh dainay ke liye university campus mein khusoosi poster, Banners lagaye gaye. Hindi Cell ne un sar garmion ke ineqad mein taal mil fraham kiya aur intizamaa ki nigrani ki.