Hyderabad: England mein 30 May ko shuru honay walay ICC world CUP 2019 mein riwayati kattar hareef Hindustan aur Pakistan ke match ki mansookhi ke khadsha ki parwah kiye baghair hazaron ki tadaad mein cricket ke shoqeen Hyderabadi afraad England rawana honay ke liye booking karwarahe hain. yeh match 16 June ko muqarrar hai. Hindustan ko world cup mein kabhi bhi Pakistan ke khilaaf shikast nahi hui. Shehar-e-hyderabad se talluq rakhnay walay cricket ke kayi madahon neh angrezi mulk safar ki tayari shuru kar di hai.
England ke shehar old Triford jahan yeh match khela jaaney wala hai is ke liye tayyarah ki nishiston ki booking ka aaghaz kardiya gaya hai. cricket ke shoqeen afraad ki deewangi ki yahan tak intahaa hogayi hai ke stadium ki kaafi mehngi nishiston ki booking ke liye har fard taqreeban do laakh rupiye kharch kar raha hai. baaz mijaz travel agents neh kaha hai ke stadium ki gold aur platinum galleries ke liye hyderabad se unki tamam bookings mukammal hogayi hain. unki hotels ke akhrajaat had se ziyada hain. Four star aur five star hotel mein ek raat qiyam ka kharch 20 taa 30 hazaar rupiye hai. wazeh rahay ke Cricket World cup muqablon ka 30 May ko aaghaz hoga. Virat kohli ki Zaire-e-qiyadat hindustani cricket team muhim ki shuruvaat junoobi Africa ke khilaaf 5 June ko karegi. tareekhi final muqaabla 14 July ko Lords par khela jayega. –YTN STAFF