Hyderabad: Telangana BJP ke sarbarah Bandi Sanjay kumar ne ye ilzaam lagaya ke TRS hi Hyderabad shehar ki pasmandagi ki wajah hai.
Intikhabi muhim mein hissa letay hue, Bandi Sanjay ne kaha TRS hukoomat ne Hyderabad shehar ke sath pichle 6 saal mein kuch nahi kiya aur woh intikhabaat ke douran kiye gaye wadon ko poora karne mein nakaam rahi. unhon ne ilzaam lagaya ke TRS hukoomat ke ghaflat baratnay ki wajah se mutadid intermediate talba ne khudkushi ki.
Unhon ne kaha KCR ki taraf se ye takleef da hai kyunkay woh Hyderabad mein selaab se mutasirah logon ko tasalii dene mein nakaam rahay hain. Bandi ne is etemaad izhaar kiya hai ke hyderabad mein dubbak nateeja dobarah aayega. unhon ne chief minister se sawal kiya ke inkishaaf karen ke kiya AIMIM ke sath ittehaad nahi honay ki soorat mein puranay shar mein intikhabi muhim mein hissa lenge.
unhon ne ilzaam lagaya ke KCR old city ko bator-e-Pakistan tabdeel karne ki koshish kar rahay hain. agar mauqa mila to BJP hyderabad ki shakal badal degi. Bandi ne kaha ke BJP old city mein mojood qoum se ghaddari karne walon ka peecha karegi. Unhon ne wazeh kiya ke ab se unka adda sirf charminar ki bhagya laxmi mandir hai.
Yaad rahe ke GHMC intikhabaat mein BJP wohi apni qadeem zahrili siyasi chaal chal rahi hai. Pakistan , rohingya, bhagya nagar, bhagya laxmi mandir jaisay mozuaat ke sath awam mein nafrat phelanay ka kaam kar rahi hai. alawa azeen barsar-iqtedar hukoomat TRS hukoomat ko musalsal tanqeed ka nishana bana rahi hai.