Jeddah: Islami taawun tanzeem ( OIC ) ne Hajj ke shandaar intizamaat aur Hajjaj ke darmain samaji faasla qaim rakhnay ka challenge poora karne par Saudi Arab ko Mubarak baad pesh ki hai. Muqami Media ke mutabiq OIC ke secretary General Dr Yousuf Al-Othaimeen ne kaha ke Saudi Arab mein Shah Salman aur Wali Ahad ki qayadat mein kamyaab Hajj ki shandaar hikmat-e-amli tayyar ki gayi. Secretary General ne kaha hai ke Saudi qayadat ne mehdood tadaad mein Hajj karwane ka faisla karkay saabit kardiya ke Saudi Arab har terhan ke halaat mein behtareen Hajj intizamaa ki salahiyat rakhta hai.
Press Conference mein kaha ke Saudi hukoomat neh douran Hajj Coronavirus se bachao ke liye jo iqdamaat kiye wo un mulkon ke liye misaal hain ju Virus ke mahol mein zindagi guzaarne aur nai sorat-e-haal se khud ko hum aahang karne ke khawahish mand hain. Director General neh kaha hai ke naye Corona ki waba ka matlab ye nahi ke maloomat zindagi ruk jayen. Waba ke sath hamein hifazati tadabeer apna kar rehna hoga. Har fard virus se khud ko aur dosaron ko bachanay ka ihtimaam karte hue zindagi mamool ke mutabiq guzaray.