Hyderabad. Hyderabad mein jummay ki shab ‘haalat nasha mein gaadi chalanay ke khilaaf muhim’ ke douran ek shakhs ko haalat nasha mein gaadi challatay hue pakad lene par us ne masroof tareen sadak ke bichon beech lait kar khud kashi kar lenay ki koshish karte hue kaafi hungama aarai ki. Police ohdedaron aur wahan maujood sahafion ne usay wahan se mehfooz jagah par muntaqil kya. Akhbaari numaindon se baat cheet karte hue is shakhs neh bataya ke woh khandani masayel se aajiz aakar sharaab noshi ki aur woh chahta tha ke apni jaan day day. Mulzim ne kaha ke woh is se qabl bhi haalat nasha mein gaadi chalanay ke ilzamaat ka saamna karchuka hai. Muhim ke douran police neh zayed az 126 gadiyon ko zabt karliya aur khaation ki Begumpet Police Station par counselling ki jaye gi