Harmain Sharifain ke umoor ki intizamia ki janib se itwaar ke roz ghilaaf Kabah ke nichale hssh ko zameen se teen meter buland kar diya gaya. Sath hi buland kiye jane walay hisseh ko charon taraf se safaid cotton ke kapday se dhaanp diya gaya jis ka arz do meter ke qareeb hai. Ghilaaf e Kabah yani “Kiswa” se mutaliq King Abdulaziz Complex ke Director General Ahmed bin Mohammad Almnsori ke mutabiq rawan baras 1439 hjri mein bhi hajj season ke liye intizamia hasb e mamool apne mansoobah par amal pera hai. Kiswa ko zameen se buland karne ke iqdaam ka maqsad ghilaaf e Kabah ki safai barqarar rakhna aur is ki hifazat ko yakeeni banana hai. Is liye ke Hajj season mein Hujjaj karaam ki aik badi tadaad ghilaaf e Kabah ko choone aur is se lipatne ki khwahish mand hoti hai jis ke nateeja mein ghilaaf ko kuch nuqsaan bhi pohanchana hai. Almnsori ne bawar karaya ke baaz Hujjaj karaam ghilaaf e Kabah ka kuch hissah kaatnay aur ghilaaf e Kabah se barkat haasil karne ki koshish karte hain, un ka yeh qadam ghalat nazriaat ka haamil hai. isi vaaste ghilaaf ko teen meter buland kar diya jata hai aur Hajj season ke baad usay apni purani haalat par kar diya jata hai. Almnsori ka mazeed kehna tha ke King Abdulaziz Complex poooray saal ghilaaf e Kabah ki khusoosi dekh bhaal ki zimma daari anjaam deta hai jis ki Hidayat khadim Harmain Sharifain ki janib se di gayi hai.