New Delhi: Bartania , Germany aur Australia ne safri tajaweez jari ki hai jis mein teeno mumalik ne hindustani hukoomat ki janib se jari security alert ke baais apne shehrion ko jammu wo Kashmir ke safar se guraiz ka mashwara diya hai. Bartania ke kharja aur common wealth office ne hindustani hukkaam ki janib se security wajohaat ke baais salana amarnath yatra mo-attal kiye janey ke baad apne shehrion ke liye mashwara jari kiya hai. Bartanwi shehrion ko mashwara diya gaya hai ke woh Kashmir khusosan srinagar aur jammu ko milaane wali shahrah ke ghair zurori safar se guraiz karen.
Bayan mein kaha gaya hai ke nai Dehli mein moujood Bartanwi high commissionaire soorat-e-haal ka jaiza le rahay hain. agar aap is waqt jammu wo Kashmir mein hain to badastoor mohtaat rahen. muqami hukkaam ki Hidayat par amal karen aur runuma honay walay halaat Bashmole travel advisory ke zariye ba-khabar rahen. Germany ne bhi apne shehrion ke liye aisa hi mashwara dyahe jis mein kaha gaya hai ke hukoomat hind ki janib se security alert ke baais fori tor par jammu wo Kashmir ke safar ke liye hosla afzai nahi kar sakte. mashwara diya gaya hai ke woh German shehri jo is waqt Kashmir mein hain riyasat se nikal jayen. Wazeh rahay ke reyasti hukoomat ke mashwara ke baad waadi mein muqeem sayahounaur yatrion ke niklne ka amal jari hai.
Tafseelaat ke mutabiq Kashmir mein mehakma sayahat ke hukkaam ne kaha hai ke waadi ke mukhtalif maqamat par 25 se 30 hazaar sayah muqeem they jinhein hotlon se nikala gaya hai. hukoomat ki janib se sayahoun aur yatriyoun ko Kashmir chodney ke ehkamaat ke baad haftay ko 6 hazaar se ziyada musafir Kashmir se niklne ke liye srinagar airport pohanche. media ki report ke mutabiq sri nagar airport se 6200 musafiron ne safar kiya. report ke mutabiq 5 hazaar 829 musafir mukhtalif airlines ki 32 parwazon ke zariye hindostan ke mukhtalif ilaqon ko chalay gaye jabkay 387 musafiron ko indian airforce ke jahazoo ke zariye mukhtalif ilaqoun mein pohanchaya gaya. . srinagar airport par badi tadaad mein musafir mojood hain. musafiron ki tadaad mein izafay ke baad jahazoo ke ticket bhi mehngay hogaye hain. –YTN STAFF