Qaabiz Israeli fouj ney Palestine ke ilaqay Gaza ki patti par budh ki shaam wehshiana bombari karkay kam se kam teen Palestenians ko shaheed kar diya. Falasteeni wizarat sahet ki taraf se jari kardah aik bayan mein bataya gaya hai ke Israeli fouj ki taraf se ki gayi bombari mein teen Falasteeni shaheed hue hain. muqami zaraye ka kehna hai ke Gaza mein Israeli foujion par firing ke waqea ke baad sahyoni fouj ney Hamas ke thikanon samait kayi deegar askari campon par bombari ki. yeh kasheedgi paanch roz qabal Hamas aur Israel ke darmain misar aur aqwam mutahidda ki taraf se karai gayi jung bandi ke baad samnay aayi hai. Qabal azeen Gaza ki mashriqi sarhad par Palestenians ki firing se mutadid Israeli fouji zakhmi hogaye they. Un mein se aik ki haalat khatray mein bayan ki jati hai. Zakhmi Israeli foujion ko hospital muntaqil kardiya gaya hai. Gaza par bombari ke baad yahodi kalonyon mein khatray ke siren bhi bajaye gaye hain. Israeli afwaj ney id-daa kya ke Ghazah ke islami hukmraanon Hamas se talluq rakhnay walay 7 fouji thikanon par aartilri bombari ki gayi hai.