Manchester: Takhnay ki takleef se sahet yab honay walay fast bowler Shannon Gabriel 8 July se England ke khilaaf shuru honay wali 3 Matches ki test series ke liye West Indies ke 15 rukni test squad mein shaamil hogaye hain. Gabriel is doray mein mehfooz khiladioun ke Group ka hissa they aur takhnay ki chout se sahet yab ho rahay they. Old Trafford mein West Indies teams ke mabain 2 practice Matches mein Gabriel ney apni fitness ka test diya. West Indies team ney guzashta roz Manchester se Southampton ka safar kiya. Jahan England ke khilaaf Ageas Bowl mein pehla test 8 July se khela jaye ga.