Melbourne: Season 2020 ke pehlay Grand Slam Australian open ke ibtidayi din retired 20 Grand Slam ke haamil khiladi Roger Federer aur sabiq aalmi number ek Japan ki Naomi Osaka ne apne pehlay marhalay ke muqabla jeet liye. Federer ne Americi khiladi Johnson ko raasat satoun mein 6-2, 6-2, 6-3 se shikast day kar dosray marhalay mein rasai haasil karli jabkay difai champion Novak Djokovic ne mushkil shuruvaat aur ek teesra st gunwane ke bawajood pehlay marhalay ke muqablay mein kamyabi haasil ki. Novak Djokovic
ne apne hareef Germany ke khiladi an-Lennard Struff ko 7-6, 6-2, 2-6, 6-1 se shikast di.
Khatoon zamray ke pehlay marhalay ke muqablay mein Osaka ne hareef khiladi Marie Bouzkova ko raasat satoun mein 6-4, 6-2 se shikast day kar apni pesh qadmi jari rakhi hai. Khatoon zamray mein sabiq aalmi number ek aur mutadid Grand Slam haasil karne wali Americi kheladi Venus ko Americi nojawan 15 sala Coco Gauff ke khilaaf muqablay ke sakht aaghaz ke baad 6-3, 6-7 ( 7-5 ) ki shikast bardasht karni padi hai jabkay un ki chhoote behan Sarina ne Anastasia Potapova ko raasat satoun mein 6-3, 6-0 se shikast di.
Aalmi number ek muqami kheladi Ashleigh Barty ko aalmi darjaa bandi mein 120 we maqam par faiz Ukraine ki Lesia Tsurenko ke khilaaf pehla set ganwana pada lekin is ke baad inhoun ne wapsi karte hue 6-1, 6-1, 5-7 ki kamyabi haasil ki. Australian open ke pehlay hi marhalay se bahar hone walay badqismat khiladioun mein nai nasal ke ba-salahiyat khiladi denis shapovalov hain jinhein 4 Sets par mushtamil sakht tareen muqablay mein Hungry ke Márton Fucsovics ke khilaaf 6-7 ( 3-7 ), 1-6, 7-6 ( 9-7 ), 3-6 ki shikast bardasht karni rahi. Heran kun ikhraj ki fehrist mein muqami aur Grand Slam champion Samantha Stosur shaamil hain jinhein pehlay hi marhalay mein Americi khiladi Caty McNally ke khilaaf raasat setoun mein 4-6, 1-6 ki shikast bardasht karni padi. –YTN STAFF