‘Falasteeni’ dehshat gardi’ ka behtar jawab Yahoodi abad kaari mein izafah’
Palestine ke ilaqa West Bank mein guzashta roz aik Falasteeni ladke ke fidai hamla mein aik Yahoodi abadkar ki halakat aur do ke zakhmi honay ke waqea ke baad gaasib Sahyoni hukoomat ne intiqami karwai ke tehat West Bank mein Yahoodion ke liye 400 gharron ki taamer ki manzoori di hai. Israel ke shiddat pasand wazeer difaa Avigdor Liebermanne aik Yahoodi abaadkar ke qatal ke jawab mein Falastinion ko 400 Yahoodion ke makanaat ki taamer ki shakal mein qeemat chukane par majboor kiya hai. Micro blogging website ‘twitter’ par post kardah aik bayan mein Israeli wazeer difaa Lieberman ne kaha ke Falastinion ki’ dehshat gardi’ ka behtar jawab Yahoodi abad kaari mein izafah hai. mein West Bank ke ilaqa Ramallah mein ‘Adam’ Yahoodi colony mein mazeed 400 makanaat ki taamer ka elaan karta hon. khayaal rahay ke jumeraat ko West Bank ke wasti shehar Ramallah mein qaim ‘Adam’ Yahoodi colony ke qareeb aik Falasteeni naujawan ne chaaqo ke pay darpay waar karkay kam se kam aik Yahoodi abaadkar halaak aur do zakhmi kardiye thay. Israeli fouj ki jawabi karwai mein satrah sala hamla aawar bhi shaheed hogaya tha. Israeli fouj ka kehna hai ke Falasteeni ladke ne Yahoodi abad karon par chaaqo se hamlay kiye jis ke nateejay mein mutadid Yahoodi zakhmi hogaye. Baad azan aik Yahoodi abaadkar zakhamo ki taab na laatay hue dam toad gaya. zakhmi honay walay abad karon ku Hospital muntaqil kardiya gaya hai.