Mumbai: Maharashra ke no muntakhib arkaan Assembly ki halaf bardari ki taqreeb charshumbe ko Vidhan Bhavan mein Protem Speaker Kalidas Kolambkar ki halaf bardari ke sath hi shuru hui. Tamam arkaan Assembly, jin mein se kayi ek pehli baar rukan Assembly banay hain, Subah saweray Traffic se bachney ke liye shehar ke karobari marakaz mein se ek Nariman Point par pohanchna shuru hogaye.
Muqananah ke andar, sab se pehlay jin arkaan Assembly ne halaf liya, woh sabiq wazeer-e-Aala Davindra Fadnavis, sabiq naib wazeer-e-Aala Ajit Pawar, 5 baar ke rukan Assembly Dilip Walse-Patil aur BJP ke rukan aur sabiq kabini wazeer Haribhau Bagade they. Is douran Nationalist Congress Party ( NCP ) ke baghi arkaan bhi halaf lainay puhanche. NCP ke sarbarah Sharad Pawar ki beti aur rukan parliament Supriya Sule, Ajit Pawar se gilaay milein aur pair chhoo kar aashirwad liya.
Mazkorh halaf bardari taqreeb ko Supreme Court ke ehkamaat ke mutabiq raast Telecast kiya gaya, ye halaf bardari taqreeb shaam tak mukammal honay ki umeed hai. pichlle ek mah se jari siyasi tanao aur siyasi inteshaar ke bar aks Vidhan Bhavan ke andar aur bahar dostana mahol tha. baad azan Wazeer-e-Aala ke ohday ke umeed waar Uddhav Thackeray apni Party ke rehnumao aur arkaan Assembly se baat cheet karne ke liye janoobi Mumbai jayen ge.
Thackeray, Jo muqananah ke dono aiwanoun ke member nahi hain. Governor BS Koshyari ke zareya jumaraat ko sham 6:40 bajey Shiwaji Park mein munaqidah ek taqreeb mein naye Wazeer-e-Aala ki hesiyat se halaf len ge. –YTN STAFF