Hyderabad: Social media aur khaas kar facebook par dosti, pyar, shadi ka wada phir dhoka dahi ke waqeat aaye din manzar-e-aam par aatay hain aur ab taaza tareen waqea mein ek ladki ne police mein nojawan aslam ke khilaaf shikayat darj karwai hai jis mein is mutasirah ladki ne kaha ke iski aslam se Facebook par dosti hui thi jiske baad pyar aur shadi ka wada hau lekin woh wafa nah hosaka.
Ek khatoon Jubilee Hills police ke paas pohanchi aur shikayat darj karwai ke ek shakhs ne is se shadi ka wada karne ke baad iske sath dhoka kiya aur usay zyad-ti ka nishana banaya hai. Tafseelaat ke mutaqbiq Yousufguda se taaluq rakhnay wali 23 sala khatoon do saal qabal Facebook par chandranagar mein Tara nagar ki rehaishi 24 sala aslam Khan se dosti ki thi. Police ke mutabiq unhon ne Facebook par cheat karna shuru ki aur aakhir-kaar aslam ne usay shadi ki tajweez paish ki aur mutasirah ladki ne aslam ki yeh tajweez qubool karli. Tab se woh mutadi mauqa par mil chuke thay.
Is ne is se shadi ka wada kiya aur hotel ke kamroun mein iske sath kayi bar zyadati ki. Police ne bataya ke isne yeh harkat apne mobile phone mein bhi record karli, jiske baad is ne usay nazar andaaz karna shuru kiya. Taham jab usay maloom hua ke iske walidain is ke liye mozoon rishta Dhoond rahay hain to isne iski niji tasaveer aur videos ka istemaal karte hue usay harasan karna shuru kardiya jo isse pehlay is ne record ki thi. Mutasirah ladki ki darj kardah shikayat ki bunyaad par Ismat darri aud dhoka dahi ka muqadma darj kiya gaya hai aur aslam ko giraftar karne ki koshishen jari hain.