Hyderabad : Kothi mein moujood government ENT hospital jahan har haftay taqreeban 250 taa 270 mareezoun ka operation kiya jata hai lekin dawa khaney mein behtar tadaad mein operation theatres nah honay ki wajah se awam ko operation ke liye apni baari ka intezar karne ke liye 10 mah ka taweel intezar bhi karna padh raha hai. dawakhane ke amlah nay is zimn mein izhaar-e-khayaal karte hue kaha ke awam ko apne operation ke liye kayi mahino ka intezar is liye karna padh raha hai kyunkay dawa khanaay mein waafar miqdaar mein operation theatres nahi hain. dawa khanaay mein token system moujood hai aur jin mareezon ko apna operation karwana hota hai inhen token lena parta hai jis ke baad inhen apni baari ke liye taweel aur kayi mah ka intezar karna padh raha hai aur jo afraad intezar nahi kar paatey woh khangi dawakhanoun se rujoo ho rahay hain jabkay jo ghareeb mareez khangi dawakhanoun ki bhaari fees ada karne se qassar hain inhen majaburan taweel intezar karna padh raha hai.
Operation ke liye is waqt jo fehrist tayyar hai is mein 700 mareezon ke naam darj hain jabkay inhen apni baari ke liye taweel intezar karna padh raha hai. ENT hospital jis naay behtar ilaaj ke miyaar ki wajah se haliya barson mein kaafi shohrat haasil ki hai jis ki wajah se is sarkari dawakhana mein ghareeb awam hi nahi balkay Mutwast tabqay se talluq rakhnay walay afraad bhi ilaaj ke liye rujoo hotay hain. dawakhane ke out patient shoba mein rozana 1800 taa 2000 mareez apne ilaaj ke liye rujoo hotay hain jis mein hyderabad ke alawa riyasat Telangana ke deegar azlaa aur padosi reyaston karnatak aur maharashtra se bhi mareezon atay hain.
Out Patient shobay mein mareezon ki qitaar subah 8 bajey se hain hi lag jati hai jo itni taweel hoti hai ke dawa khanaay se bahar sadak padh bhi awam qitaar may khade dikhayi dete hain. qitaar mein taweel intezar ke baad jab mareez Dr se muaina kerwatay hain to Dr inhen jo dawa tajweez karte hain un adwiyaat ke husool ke liye ek aur taweel qitaar mein inhen taqreeban ghanta daidh ghanta intezar karna padta hai. ENT hospital mein mein gungay aur behray bachon ka jo operation kiya jata hai is ka khangi dawakhana mein kharch taqreeban teen taa chaar laakh rupay hota hai lekin is dawa khanaay mein Aarogya shree ke tehat yeh operation muft mein kiya jata hai is ke ilawa deegar aur bhi ilaaj muft hi anjaam diye jatay hain.
Awam ki janib se taweel kitaron ki jahan ek janib shikayat aur operation ke liye taweel intezar padh bezargi zahir ki ja rahi hai to doosri janib dawakhane ke supritendent Dr T Shankar naay taweel intezar ki wazahat karte hue kaha ke dawa khanaay mein fil haal sirf paanch operation theatres moujood hain jabkay guzashta chay mah se mazeed 5 operation theatres ki taamer ho rahi hai jis ke kargird honay ke baad dawakhane mein rozana 100 se zayed operation karna yaqeeni hojayega aur is tarhan haftay mein 700 taa 800 operations ki tamaniat bhi di ja sakti hai. –YTN STAFF