Dubai: UAE neh kaha hai ke wo beruni jo coronavirus ke baais apne mumalik ko wapas lout gaye they, Yakam June se wapas aa satke hain. Tafseelaat ke mutabiq sarkari news agency WAM ne wizarat kharja aur federal authority for identity & citizenship ( ICA ) ka hawala dete huve kaha hai ke ye amal unki mehfooz wapsi ke liye shuru kiya gaya hai.
ICA ne UAE wapsi ke khawahish mand bairooni afraad se kaha hai ke wo sarkari Website par rujoo karen aur is par di gayi Services, Resident Entry Permit, Par Register karen. Wazeh rahay ke is se qabal guzashta haftay Dubai mein saahil samandar par waqay hotels ko sirf mehmanoun ke liye khangi sahil kholnay ki ijazat di gayi thi.
WAM news agency ka hawala dete huve lekha ke ye ijazat aisay waqt mein di gayi hai jab Dubai coronavirus ke baais lagai gayi pabandioun ko naram karne par ghhor kar raha hai. Dubai mein supreme committee of crisis management ne logoun ki naqal o harkat par pabandiyan hataane ke liye naye iqdamaat kiye jin mein awaami parks ko kholna aur hotels ki niji Beaches ko kholna bhi shaamil tha. Taham committee ne kaha ke un aalanat ke bawajood sakht hifazati iqdamaat ko bhi nafiz kiya jaye ga jis mein samaji faasla qaim rakhna aur 5 se ziyada afraad ka jama nah hona shaamil hai. –YTN STAFF