Hyderabad: Awaami tavajja ka markaz Durgam Cheruvu Cable Bridge ka halaank abhi iftitah nahi huwa hai lekin Hyderabadion ke liye yeh ek bada markaz ban gaya hai jaissa ke tateel ke din is pole par awam ka hujhoom dekha gaya hai. Guzashta dinon jaisay hi is Pole ka video social media par viral huwa is ke foran baad pehlay hi itwaar 238 meter lamba pole shehar ke mukhtalif hisson se anay walay logon ka manzar makhion ki shakal mein tabdeel hogaya tha.
Hyderabad mein is waqt haftay ke aakhir dinon mein Khushgawar mausam hai aur is ney bhi awam ko is naye pole ki simt lijane mein ahem rule ada kiya. Taqreeban har omar ke liye loog groupon mein yahan aaye aur Durgam Cheruvu Bridge ke pur sukoon nazary se lutaf andoz hue.
Kam-o-besh har shakhs, Jawan aur bodhay sabhi ney Selfies ke zareya Architectural shahkaar par apni yaado ko film band kiya. Kuch afraad apne paaltoo janwar le kar aaye aur tehalne lagey. Jabkay kuch dosaron ney nashtay ke pack khole aur is Pole par yadgar nashta bhi kiya.
Is douran Madhapur ki ek taliba Mithali Yadav ney kaha traffic ki bheed ko kam karne ke ilawa yeh Cable Pole Hyderabad ke liye ek naya sayahat ka maqam ban’nay wala hai. Ek Software Professional Irfan jo apni biwi aur beti ke sath aaye they unhoun ney kaha mein social media aur akhbarat par Pole ki tasaveer mulahiza karta raha hon aur zaati tor par is ka dora karne ke liye be chain tha aur aaj pehli fursat mein apne afraad khandan ke sath yahan pouncha hon.