Hyderabad: Shadi ke din dulhan mahfil ki ronaqe hoti hai aur dulhan ko khoob se khobsorat bananay ke liye koi kasar nahi choadi jati aur khaas kar dulhan ke libaas, Zyorat, Makeup aur deegar cheezoun ka khaas khayaal rakha jata hai aur jab baat shadi ke din dulhan ke libaas ki hoti hai to is se ziyada se ziyada par kashish aur khobsorat bananay ke liye har mumkina koshish ki jati hai jis ki wajah aroosi libaas ki qeemat aasman se baatein karne lagti hai lekin duniya ke mehngay tareen aroosi libaas ka ab ek naya aalmi record qaim huva jis ki qeemat sun kar aam aadmi ke hosh hi udjayegi kyunkay is ki qeemat lakhoon ya croredoun mein nahi balkay Arboun mein hai.
Misri designer Hany El Behairy ne 100 win fashion show ke mauqa par duniya ka sab se mehanga shadi ka libaas muta-arif kiya hai. Ubharti star Mai Omar ne ye libaas tayyar kiya hai, Jis ki qeemat 15 million Dollars jo taqreeban 2 Arab rupiye hai aur ye aroosi libaas heere aur jawahraat ke sath tayyar kiya gaya tha.
Hany El Behairy apne salana fashion show mein lakhoon qeemti shadi walay malbosaat ke sath is intahi qeemti libaas bhi pesh kiya. unhoun ne is saal duniya ka sab se mehanga shadi ka joda, Heeroun ki chamak mein dhaknay aur apne sath sitaroun se muzayyan lambi parda pesh karkay apne 100 win fashion show ko yaad gaar banaya hai.
Ye pehla mauqa nahi hai jab Hany ne apne shadi ke malbosaat ke liye aalmi record haasil kiya ho, Kyunkay is se qabal unhoun ne 2017 mein ek shadi ka joda pesh kiya tha jisay 5 million Dollars ki laagat se tayyar kiya gaya tha jo duniya ke mehngay tareen libaas tha aur phir is ka show ke ekhtataam par Yousra El Lozy ne pehna tha. Jo sabiq ka aalmi record tha kyunkay is se qabal is se mehanga aroosi libaas kisi ne nahi banaya tha. Is saal unhoun ne jo par tayesh libaas pesh kiya is ne shadi ke sab se mehngay libaas ka aalmi record toad diya hai aur is mehngay tareen aroosi libaas mein taqreeban 150 carats ke heere mojood hain. –YTN STAFF