Cairo: Misri public prosecutor ney baalaye Misar ke soobay isetu mein doosri shadi ke liye apni Maa, Biwi aur baityoun ke qatal par Misri shehri ki giraftari ka hukum jari kiya hai. Media ke mutabiq public prosecution ku Assiut soobay ki Al Badari tehseel mein mulzim ki Maa ke ghar mein aag lagnay, Maa, Mulazim ki Biwi aur 3 baityoun ki mout ki Report ki gayi thi. Ek Beti jhulas gayi thi jisay ilaaj ke liye dawakhana mein daakhil kardiya gaya.
Zindah bach janay wali bachi ne bayan diya ke is ke waalid Cairo zarayi Form se Duty karkay ghar wapas aaye they. Aglay roz subah saweray un ki mulaqaat Dadi Amma, Maa aur behnoon se huvi thi. Sab ke so janay par Abba apni walida ko apne kamray mein le gaye der tak wapas nah anay par Maa haqeeqat haal daryaft karne ke liye kamray mein gayeen to Dadi Amma ko bistar par murda haalat mein dekh kar pareshan hogai unhoun ne mere waalid yani apne shohar par Maa ke qatal ka ilzaam lagaya.
Zindah bach jaanay wali bachi ne ye bhi kaha ke qatal ka ilzaam sun kar Abba ne meri Maa ko zadokob kiya phir wo Gas Cylinder le kar is kamray mein aaye jahan hum sab loog mojood they. Abba ne bawarchi khanaay mein hamari Amma ka gala ghoontnay ki koshish ki jis par wo be-hosh hokar gir padin. Aisi douran Abba ne ghar mein aag laga di aur usay dawakhana mein jaakar hosh aaya.
Misri shehri ne police mein bayan darj karate hue kaha ke mulzim ka jazbati talluq ek khatoon se ho gaya tha. Jis ne yaqeen dilaya tha ke wo apne shohar se alehadgi ikhtiyar karkay is se shadi karle gi.