New Delhi : Congress ney mangal ko American sadar Donald Trump ke is daaway ko lekar lok sabha may, wazeer-e-aazam Narendra Modi se jawab talabb kiya ke ”Modi ney inhen Hindustan aur Pakistan ke beech Kashmir masla ke maamla mein madad ki khwahish ki hai.
Congress ke floor leader Adhir ranjan choudhry ney parliment mein deegar oppostion jamaatoun ki janib se naaray laganay ke baad is mudday ko uthaya. Donald Trump ke davon ke mudday ko uthatay hue Adhir ranjan choudhry ney kaha ke ”Hindustan , America ke samnay jhuk gaya hai, hum kamzor nahi hue hain. Wazeer-e-aaazm ko is ka jawab dena chahiye.
Lok sabha speaker Om Birla ney inhen roktay hue kaha ”Yeh ek qaumi aur bohot hi hassas mudda hai. speaker ney khas mudday par siyasat nahi ki jani chahiye. yeh ek sangeen masla hai. hamein tamirati behas ki zaroorat hai.
Adhir ranjan choudhry ney zor dekar kaha ke wazeer aaazm Narendra Modi ko is mudday par jawab dena chahiye. lekin speaker Om Birla ney mudakhlat karte hue kaha ke ”hukumat is par faisla karegi. –YTN STAFF