Kolkata : Doctors ka bohraan west Bengal se Dehli aur Maharshtra se Telangana tak pohanch gayi aur nah jaaney yeh kis moudh par kis haalat mein khatam hoga. Kolkata mein Doctors par hamlay ke khilaaf chal rahi Doctors ki hadhtal ney mulk geer ehtijaj ki shakal ikhtiyar kar li hai. Kolkata mein sarkari aur Residents Doctors kayi dinon se hadhtal par hain aur chief Minister Mamata Benerjee ki taraf se kaam par loutne ka ulti matem diye jaaney ke bawajood woh peechay hatnay ko tayyar nahi hain. Darin asna Kolkata ki yeh aag ab mulk ki mukhtalif reyaston tak pohanch gayi hai aur Doctors ney ekjahti ka izhaar karte hue Delhi , Mumbai , Pune, Patna, Raipur, Bhopal, Hyderabad ke alawa deegar shehron mein Dr hadhtal par hain .
West Bengal mein teen dinoun tak tibbi khidmaat thap rehne ke baad Mamata Benerjee ney dopehar ko Kolkata mein waqea riyasat ke sab se baday sarkari hospital SSKM medical college hospital ka doura kiya tha. wahan unhon ney ehtajaji Doctors ko fouri hadhtal khatam karne ka intibah diya tha. Mamta ney Doctors se dopehar do bajey tak ehtijaj khatam karne ke liye kaha tha. halaanke un par mamta ke intibah ka koi asr nahi pada aur unhon ney hospital mein hi mamta ke khilaaf naaray baazi ki. Kolkata se shuru hue Doctors ke is ehtijaj ki hua mulk ki kayi reyaston tak pohanch gayi hai aur jagah jagah par doctors gole band ho rahay hain. Dehli mein tamam sarkari aur Residents Dr Kolkata mein Doctors par hue hamla ke khilaaf sadkon par utar aaye hain. mehez emergency khidmaat ko chodh kar OPD waghera ki khidmaat band pari hain .
All India institute of medical sciences yani AIMS ke alawa yahan ke kayi sarkari Hospitals mein mareezon ka bura haal hai. AIMS ki Residents doctors association ke saddar Dr Ranjan ney kaha ke jumaraat ko Doctors ney Kolkata ke waqea ke khilaaf khamosh muzahira kiya. OPD mein Doctors ki ghair moujoodgi ney hungami soorat-e-haal bana di hai. har sarkari hospital ke bahar mareez aur unke ahal-e-khanah be haal hain. khaas tor par AIMS aur Safdarganj hospital mein jahan halaat kaafi bigde hue hain. Safdar ganj hospital ke chaurahe ke nazdeek mareezon ka hajhoom laga hua hai jo ilaaj nah honay ki wajah se buri tarhan pareshan hain .
Maharashtar association of Residents doctors ( MARD ) se wabsta Doctors ney riyasat ke tamam 26 sarkari Hospitals mein mareezon ko daikhna band kar diya hai. MARD ke general secretary deepak ney kaha ke tamam Dr subah 8 bajey se 5 bajey tak apni khidmaat band rakhenge. iske sath hi hospital intizamia ko mutala kar diya gaya hai ke kisi bhi terhan se mareezon ko koi pareshani nah ho aur deegar khidmaat band nahi ki jayen. MARD ke arkaan ki taraf se Pune, Aurangabad aur Nagpur mein bhi muzahira kiya jaraha hai. Kolkata ke sarkari NRS hospital mein ek 75 sala mareez ki mout ke baad is ke ahal-e-khanah ney mubayyana tour par junior Dr ke sath maar peet ki thi, is ke baad mangal ki subah se wahan ehtijaj ki aag bhadak uthi aur mamool ki khidmaat ko thap kar diya gaya. faut honay walay shakhs ke ahal-e-khanah ney Dr par laparwai ka ilzaam aed kya hai .
Maar peet mein ek zair tarbiyat Dr Prebaha Mukharjee ke sir par gehri choth lagi hai. usay Kolkata ke park circus waqay institute of Neuro science ke ICU mein daakhil karaya gaya hai. reports ke mutabiq Bengal ki hukoomat hadtali Doctors par sakht karwai kar sakti hai. west Bengal medical council ke sadar nirmal Maji ney kaha ke hartali Dr agar kam par nahi lautay to unka registration mansookh hosakta hai aur unka Internship mukammal honay ka Certificate bhi rok diya jayega. unhon ney oppostion jamaaton par hadtali Doctors ko bhadkanay ka ilzaam aed kiya hai aur kaha ke oppostion jamaten Mamata Benerjee hukoomat ki muft tibbi khidmaat scheme ko band karwana chahti hain. reyasti hukoomat sarkari Hospitals mein har medical student- par 50 laakh rupay kharch karti hai. agar woh mareezon ki khidmaat ko hi anjaam nahi denge to inhen mil rahi sahuliyaat bhi rok di jayengi .
West Bengal mein Doctors ke hadhtal ke douran Mamata Benerjee ney Facebook par hukoomat ka muaqqaf paish karte hue kaha ke teen din qabal NRS hospital mein afsos naak waqea paish aaya is ke fori baad hum ney reyasti wazeer mumlikat Chandrema bhtachariya ko hospital bheja aur unhon ney zakhmi jr Dr se mulaqaat karkay ehtijaj ko khatam karne ki appeal ki. hospital mein badi tadaad mein mareez, cancer ke mareez, gurday ke mareez aur deegar mareez jo dur daraaz ilaqon se atay hain unka ilaaj nahi ho raha tha. Mamata Benerjee ney wazeh kya unki hukoomat har zarurui karwai karne ko tayyar hai additional cheif secretary health ney hospital ka doura karkay zakhmi taalib-e-ilm ki haalat ka jayzah liya aur Doctors se appeal ki ke hadhtal ko khatam kar dein. hukoomat Doctors ke sath taawun karne ko tayyar hai aur har zurori karwai karne ko tayyar hai magar siyasi jamaten is muamlay mein siyasat kar rahi hain. –YTN STAFF