New Delhi: Hindustani Cricket Team ke sabiq Captain MS Dhoni ki wapsi ki musalsal behas hoti rahi hai lekin Coronavirus ka asar ab une career par bhi deekhaee day raha hai. Ek taraf shaiqeen ko ab bhi yaqeen hai ke wo Team mein wapsi kar satke hain to wahein sabiq Cricketers mantay hain ke unki wapsi intahi mushkil hai.
Dhoni saal 2019 World Semi Final shikast ke baad Team mein wapsi nahi kar paye hain. Ab IPL mansookh honay ke bhi assaar hain jis ke baad Team mein Dhoni ki wapsi ek baar phir mushkil hogi. Sabiq Captain Sunil Gavaskar ne keh diya hai ke wo Dhoni ko T20 World Cup 2020 mein dekhna chahtay hain lekin ye intahi mushkil hai aur ab Dhoni shayad hi khail payen.
Unhoun ne kaha ke Dhoni ek intahi sanjeeda qisam ke khiladi hain aur wo sanjeeda tareeqay se hi subukdosh honge. Yaad rahay ke is se pehlay bhi Team ke Coach Ravi Shastri elaan kar chuke hain ke agar MS Dhoni ka muzahira IPL shandaar raha to wo zaroor Team mein wapsi kar satke hain lekin ab IPL ke mansookh honay ke assar ku dekhte huve Dhoni is mein bhi peechay chhuut rahay hain. Ek taraf jahan IPL se sab se ziyada kisi ka nuqsaan hoga to wo MS Dhoni ho satke hain. –YTN STAFF