Cennai: Tamil Nado Congress Committee aqliati shoba ke reyasti chairman Dr J Aslam Basha ney apne jari kardah akhbaari aalamia mein kaha hai ke shehriat tarmeemi Act ke khilaaf Delhi mein pur aman ehtijaj karne wali Jamia Millia Islamia ki research Scholar aur Jamia Coordination Committee ( JCC ) ki Media ko Coordinator Safoora Zargar par mukhtalif jhutay ilzamaat laga kar inhen insidaad e dehshat gardi ( ;85658065; ) Qanoon ke tehat giraftar karkay Delhi Tihar Jail mein band kardiya gaya hai. 27 sala Safoora Zargar ki shadi ko 19 mah huve hain aur jab inhen giraftar kiya gaya tha to is waqt wo 3 mah ki haamla theen. Haal hi mein BBC ney apne report mein kaha hai ke Delhi ki Tihar Jail mein muqeed Taliba Safoora Zargar ku jail mein munasib tibbi imdaad nah milnay ki wajah se wo tashweesh-naak haalat mein hain.
Tamil Nado Congress committee aqliati shoba ke reyasti chairman Dr J Aslam Basha ne is baat ki taraf khusoosi nishandahi karte huve kaha hai ke Covid ki wajah se Curfew nafiz hai aur is douran markazi hukoomat ne is ke khilaaf aawaz uthany waloun se intiqam lainay ke maqsad se mutadid Musalmanoun ko giraftar karkay inhen mukhtalif jhutay ilzamaat ke tehat Jail mein band kardiya hai. Hindustan ki ayeen ki difaa ke liye jamhoori tareeqay se ladnay walay logoun ko darane ki koshish karne wali inhen jhutay ilzamaat ke tehat giraftar karne walay markazi hukoomat ki jitni muzammat ki jaye kam hai. America ki sab se qadeem tanzeem American Bar Association ney hindustani hukoomat ko bataya hai ke Safoora Zargar ko bain ul aqwami insani haqooq ki khilaaf warzi karkay jail bheja gaya hai aur isi terhan Amnesty International ney bhi Safoora Zargar ko reha karne ka mutalba kiya hai. Lehaza, Tamil Nado congress committee aqliati shoba markazi hukoomat se mutalba karti hai ke Tihar Jail mein band 4 mah ki Taliba Safoora Zargar ko insani hamdardi ki bunyaad par fori tor par reha kere. –YTN STAFF