New Delhi: Qaumi dar-ul-hukoomat Delhi ke kuch ilaaqoun sameit shumali Hindustan ke mutadid shehroun may zalzalay ke jhatkay mehsoos kiye gaye. zalzalay ka markaz Nepal may Dharchula ke qareeb bataya ja raha hai. mangal ki shaam 7. 45 bajey ye zalzalay ke jhatkay mehsoos kiye gaye. zalzalay ki shiddat Richter Scale par 5.3 Record ki gayi. mossola ittila ke mutabiq, Delhi, NCR , Uttar Pradesh aur Uttarkhand may bhi zalzalay ke jhatkay mehsoos kiye gaye hain.
Ittila ke mutabiq, jaisay hi logoun ku Delhi. NCR may zalzalay ke jhatkay mehsoos hue wo apne gharoun aur dafatir se bahar aagaye. abhi jaan-o-maal ke nuqsaan ki koi ittila nahi mili hai. -YTN STAFF