Hyderabad: Telangana ke wazeer Baldi nazam o wansaq o shehri tarqiyat ke KT Rama Rao ne daawa kiya hai ke dehi awam ki zindagion ko mustahkam karna hi hukoomat ka maqsad hai aur hukoomat is simt kaam kar rahi hai. Unhoun ne karim Nagar zila mein Main Balancing reservoir ka iftitah kiya. Is mauqa par khitaab karte hue unhoun ne kaha kay awam ko darpaish peenay ke pani, Aab paashi aur bijli ke masail se mukhtasir waqt mein nimta gaya.
Unhoun ne kaha kay reservoir ki taamer ka kaam 30 sala mansoobah ke hissa ke tour par kiya gaya taakay badhti huvi abadi ki takmeel ki jasakay. Unhoun ne nishandahi ham ne Kaleswaram Project ki 3 saal mein takmeel ki. Hum har kaam ki kamyaab takmeel ke sath pesh raft kar rahay hain. Hum ne har din 24 ghantay mayaari bijli ki farahmi ki hai. Mustaqbil mein 230 Crore paode laganay ka nishana bhi rakha gaya hai. Hum jald hi cable bridge ki takmeel karte hue is ko awam ke naam manoun karen ge. T Hub Regional Center ka Karim Nagar mein qiyam amal mein laya gaya hai. Ye yahan par sanaten qaim karne ke liye deegar mumalik mein muqeem afraad ke liye ek aaccha mauqa hai“