Mathura : Uttar Pradesh jaraim ke liye kaafi badnaam riyasat hai aur ab khawateen ilaaj ke douran dawakhanoun mein bhi mehfooz nahi hai kyunkay ilaaj ke douran unki ismat raizi ki jarahi hai.
UP ke zila Mathura ke high way ilaqay mein waqay Dawa khaney mein zair-e-ilaaj ek bachi ke sath Dawa khaney ke compunder ke zareya ismat darri kiye jaaney ka maamla manzar-e-aam par aaya hai.
Police zaraye ne kaha hai ke high way ilaqay mein waqay Dawa khaney mein ek ladki ko ilaaj ke liye shareek kiya gaya tha. ilzaam hai ke ilaaj ke douran ek compunder ne jummay ki raat is ki ismat raizi ki. mutasirah ke bhai ki janib se di gayi tehreer mein ilzaam lagaya gaya hai ke Uski behan city Hospital high way mein zair-e-ilaaj thi, jummay ki raat taqreeban 12 bajey compunder ne is ke behan ke sath mu kala kiya.
Is ne kaha ke jab woh wahan pouncha to compunder shyam sunder aur nurse farar hone lagey. shyam sunder ko pakadney ki koshish ki to iski pitaayi kardi gayi. FIR mein Dawa khaney ke 2 doctoron Dr Goru aur Dr Pankaj ke khilaaf saazish rachne ka maamla darj kiya gaya hai.
Police ne kaha ke mutasirah ka abhi tibbi muaina karwaya gaya hai. ladki ka bhai is ke behtar ilaaj ke liye usay Jaipur le gaya hai. is ki haalat behtar hojane ke baad is ka tibbi muaina karwaya jayega. doosri janib abhi tak mulzim shyam sunder ko bhi girftar nahi kiya gaya hai. police aur magistrate ke samnay mutasirah ka bayan darj hojane ke baad agay ki karwai ki jayegi.
Daren asna hospital ke Dr goru ne kaha ke yeh Dawa khaney ko badnaam karne ki saazish hai. unhon ne hi police ko phone kar ke raat mein bulaya tha. hospital mein CCTV camera lagey hain jiske footage police ko faraham kiye jarahay hain. woh har qisam ki tehqiqaat ke liye tayyar hain. –YTN STAFF