Dubai: Sunrisers Hyderabad ke Captain David Warner 50 runs se ziyada ka Score 50 martaba bananay walay IPL ki tareekh ke pehlay khiladi ban gaye hain. David Warner ne Kings Xi Punjab ke khilaaf 52 runs banaye thay aur yeh IPL mein un ka 50 se ziyada 50 wahn score tha. Unhoun ne Punjab ke khilaaf no martaba nisf century banai hai jo apne aap mein ek Record hai. Warner ne yeh karnaama 132 Inning mein anjaam diya hai. Is fehrist mein un ke baad Royal Challengers Bangalore Captain Virat Kohli hain jin ki 174 Inning mein 50 se ziyada ke 42 score hain.
Chennai Super Kings ke All Rounder Suresh Raina aur Mumbai Indians ke Captain Rohit Sharma ne 189 Inning mein 50 se ziyada 39-39 martaba Score kiya hai. Mister 360 degree ke naam se mashhoor Bangalore ke AB de Villiers 38 martaba 147 inning mein 50 se ziyada runs bana chuke hain.
Warner IPL mein pehlay batsman hain jinhon ne 3 baar Orange Cap haasil ki jo kay Tournament mein sab se ziyada runs bananay walay batsman ko millti hai. Season mein sab se ziyada runs bananay walay khiladi ko orange Cap di jati hai jo kay kisi bhi batsman ke liye aizaz hai. Pichlle saal Warner ne 12 matches mein 69.20 ki ost aur 143.86 ki Strike rate se 692 runs banaye thay aur Orange Cap haasil kiya tha. Is se qabal 2016 mein bhi inhen yeh Award diya gaya tha aur isi Season mein Hyderabad ne bhi doosri martaba IPL ka aizaz haasil kiya tha.
Is martaba Hyderabad ke liye Warner ka form ahmiyat ka haamil hai taham woh dora England se shandaar form mein nahi hain taham IPL ke batadreej agay bhadne ke sath un ka form bhi aahista aahista behter huraha hai kyunkay Warner aur unkay saathi opener Jonny Bairstow ki jodi ne Inning ke aaghaz aur nishana ke taqub mein hamesha hi team ko behtar shuruvaat faraham ki hai jabkay Bowling mein bhi Bhuvneshwar Kumar ke zakhmi hokar IPL se baher honay se Bowling shoba bhi kamzor deekhaye diye raha hai.