Tamilnadu : Riyasat Tamilnadu mein dam ke paas Selfie letay hue naya shadi shuda dulhan sameit ek hi khandan ke 4 afraad doob kar halaak hogaye.
Tafseelat ke mutabiq Tamilnadu mein sair wo tafreeh ke liye aaye ek hi khandan ke 6 afraad ek sath ek dosray ke haatha pakdae hue Pambar dam ke qareeb pani mein khadey they aur Selfie lene ki koshish kar rahay they, tabhi achanak un mein se 1 shakhs ka paon phisal gaya, jisse iska tawazun bigadh gaya is ke sath deegar afraad bhi dam mein gir gaye.
Dam mein girnay walon mein ek naya shadi shuda joda bhi tha, jin mein se dulha aur iski behan apni jaan bachanay mein kamyaab ho gaye, jabkay dulhan sameit chaar afraad pani mein doob kar halaak hogaye. ittila ke mutabiq poori duniya mein Selfie lene ke douran honay wali amwaat mein sab se ziyada amwaat Hindustan mein hoyi hain, jabkay Amrici national library of medicine ke mutalay ke mutabiq 2011 se 2017 ke darmiyan hindustan mein Selfie lene ki wajah se 259 halakatain hui hain.
Tamilnadu mein Selfie ke douran halaak honay walay 4 afraad mein nai shadi shuda dulhan ke alawa teen deegar shaamil they jin ki Umar 14,18, aur 19 saal thi. police ke mutabiq laashoun ko pani se nikaal kar post mortem ke liye bhej diya gaya hai. –YTN STAFF