New Delhi: Sabiq wazeer-e-khazana wo congress ke senior leader P.Chidambaram ki ED ke INX media case mein giraftari se qabal zamanat ke liye darkhwast par rawan haftay ki samaat ke dusray din, unke vakiloun ne PMLA qanoon ke Sabiqa asr par Daleel di.
Chidambaram ki numaindagi karne walay senior advocate Abhishek Manu Singhvi ne adalat ko bataya ke yeh jurm mubayyana tor par 2007 mein hua tha. is ke bawajood, ED ne Chidambaram ke khilaaf un daf-aat ko laagu kiya. Abhishek Manu Singhvi ne adalat ko bataya ke aap kisi shakhs ko kingpin ki haesiyat se paish karne ki koshish kar rahay hain.
Tafteeshi agencio ke zareye ikhtiyar ki jaaney wali tafteesh ke silsila mein dalail paish karte hue Abhishek Manu Singhvi ne kaha ke aisa maloom hota hai ke woh Chidambaram se aiteraaf jurm karwanay ki koshish kar rahay hain. unhon ne adalat ko yeh bhi bataya ke tafteeshi agencia Chidambaram ke talluq se ek ghalat tasweer paish kar rahi hain.
Idhar Chidambaram ki numaindagi karne walay senior advocate Kapil Sibal ne, Chidambaram jo CBI ki tehweel mein hain, unse hirasat mein pooch tach ke products transcripts ke liye darkhwast dair ki hai. unhon ne adalat ko bataya ke woh adalat mein mohar band cover mein record paish karne ke liye ED ki darkhwast ki mukhalfat karte hain. –YTN STAFF