Hyderabad. Chief Minister Andhra Pradesh Mr. N. Chandrababu Naidu apni party ke do Arkaan Assembly B. Rama Rao aur Pandurthi Venkatesh par ohdedaron ke sath ghair mohazib rawayya ikhtiyar karne par barhami ka izhaar kya. Telugu Desam Party ke Rukn Assembly ne Reniganta Airport par amlah ke sath nazebah rawayya ikhtiyar kya tha. Chief Minister ki mudakhlat par rukan assembly neh amlah se moazrat khawahi karli. Rajahmundry Sub-Collector Office mein Venkatesh ke tursh rawayya par sakht tanqeed ki jarahi hai. Mr. Chandrababu Naidu ne Arkaan Assembly ko intibah diya ke jab woh ohdedaron se mulaqaat karen to woh apni hudood ko na phalangen. Telugu Desam sarbarah ne kaha ke woh koi bhi qaayed un ki hukoomat ki badnami ka sabab banay ga to woh bardasht nahi karen ge.